Rusiya prezidenti Vladimir Putin Ermənistanın KTMT-nin Bişkekdə keçirilən sammitində iştirak etməməsinə münasibət bildirib.
Ölkə.az xəbər verir ki, o, İrəvanın toplantıya qatılmamasına belə reaksiya verib:
"Ermənistanın mövqeyinə gəlincə, bu, hamıya məlumdur. Bunu erməni həmkarlarımız bizə deyir… Deyirlər ki, biz KTMT-nin qəbul etdiyi bütün qərarları dəstəkləyirik, özümüzü KTMT-nin üzvü hesab edirik, lakin indiki mərhələdə təşkilatın iclaslarında iştirakdan çəkinirik. Bu, onların seçimidir".
Rusiya prezidenti onu da əlavə edib ki, əgər onlar hələlik belə işləməyi mümkün hesab edirlərsə, razılaşırıq.
“Kommersant.ru” yazıb ki, Putin Ermənistanı itirmək istəmir. “Bu, onun Qafqazda qalan son qalasıdır. Mürəkkəb, lakin maraqlı münasibətdə olduğu Nikol Paşinyanı itirmək o qədər də itki deyil; hətta qazanc da ola bilər. O, Ermənistanı itirmək istəmir”, - nəşr yazır.
Mürtəza
