"İlk dəfə oktyabr ayında Naxçıvan şəhərində keçirilən bu sammit əmək bazarında formalaşmaqda olan yeni peşə və bacarıqlara dair tələblərin peşəkar müstəvidə müzakirəsi baxımından xüsusi əhəmiyyət kəsb edir. Həmçinin, əmək bazarında sürətlə baş verən dəyişikliklərə çevik adaptasiya imkanlarının qiymətləndirilməsi də sammitin prioritet istiqamətlərindən birini təşkil edir".
Musavat.com xəbər verir ki, bunu əmək və əhalinin sosial müdafiəsi naziri Anar Əliyev Bakıda ilk dəfə baş tutan Gələcəyin Peşələri Sammitində bildirib.
Onun sözlərinə görə, qlobal miqyasda baş verən proseslər göstərir ki, süni intellektin sürətli inkişafı, rəqəmsallaşmanın genişlənməsi və avtomatlaşdırmanın yeni mərhələsi dünya əmək bazarının strukturunu köklü şəkildə yenidən formalaşdırır:
"Nəticədə, bir çox ənənəvi peşələr yeni məzmun qazanır, əmək resurslarına yönəlik tamamilə fərqli bacarıq profilləri meydana çıxır.
Qeyd etmək yerinə düşər ki, Dünya İqtisadi Forumunun 2025-ci ildə dərc olunan "İşlərin Gələcəyi Hesabatı"na əsasən, 2030-cu ilə qədər bugünkü iş yerlərinin 22%-i struktur dəyişikliklərinə məruz qalacaq" .
Afaq Mirayiq,
Musavat.com
