EN

Kriştiano Ronaldo "WOWfc" döyüş promouşeninin həmsahibi oldu

Portuqaliya millisinin və “Əl-Nəsr” klubunun hücumçusu Kriştiano Ronaldo "WOWfc" döyüş promouşeninin həmsahibi olub.

90deqiqe.Az-ın məlumatına görə, bu barədə liqanın mətbuat xidməti məlumat yayıb.

Bildirilib ki, sözügedən təşkilatın digər həmsahiblərindən biri UFC-nin yüngül çəki dərəcəsində məğlubedilməz çempionu, 28 yaşlı ispan-gürcü döyüşçü İlia Topuriyadır.

Cari mövsümdə Kriştiano Ronaldo klub və milli komandanın heyətində ümumilikdə 17 oyunda iştirak edib, 16 qol və 2 məhsuldar ötürmə ilə yadda qalıb.

Qeyd edək ki, portuqaliyalı ulduz 2023-cü ildən “Əl-Nəsr”in formasını geyinir. Onun ən böyük uğurları isə “Mançester Yunayted” və “Real Madrid”dəki çıxışları ilə bağlıdır. Ronaldu beşqat “Qızıl top” sahibidir.

Chosen
93
14
90deqiqe.az

10Sources