Rusiya ordusunun hərbçiləri Zaporojye bölgəsindəki Zelenyi Hay kəndi yaxınlığında Ukrayna Müdafiə Qüvvələrinin beş əsgərini edam ediblər. Bu barədə "DeepState" analitik mərkəzinin hesabatında bildirilir.
Rusiya hərbçilərinin meşəlik ərazidə Ukrayna əsgərlərini əsir götürdükləri, onları sıraya düzdükləri və dindirdikdən sonra edam etdikləri bildirilir. Hesabatda hadisənin nə vaxt baş verdiyi dəqiqləşdirilməyib.
Xatırladaq ki, 19 noyabrda Donetsk vilayətinin Pokrovski rayonunda da rus hərbçiləri əsir götürülmüş beş silahsız Ukrayna əsgərini edam ediblər. Rusiya ordusu Donetsk vilayətinin Vasyukovka yaşayış məntəqəsini işğal edib.
TVMusavat-ın bu gün saat 16:00-da canlı yayımlanan “Həftə içi” verilişində aparıcı Emil Salamoğlu gündəmi siyasi ekspert Turab Rzayevlə müzakirə edir.
https://www.facebook.com/tvmusavat
https://www.youtube.com/@musavattv
