ain.az, Bizimyol portalına istinadən məlumat verir.
Britaniyada Ukraynanın səmasını qorumaq məqsədilə zenit təyinatlı Octopus dron-perехvatçılarının kütləvi istehsalına başlanması planlaşdırılır.
Bizimyol.info xəbər verir ki, bu barədə ölkənin Müdafiə Nazirliyi məlumat yayıb.
Hər iki ölkənin müdafiə qurumlarının nümayəndələri müvafiq lisenziya sazişini imzalayıblar.
“Ukraynanın hava hücumundan müdafiə imkanlarını müttəfiqlərimizlə birlikdə inkişaf etdiririk. Bu, tarixi bir presedent və növbəti vacib addımdır. Saziş Böyük Britaniyada "Şahed"lərə qarşı effektivliyini sübut etmiş Ukrayna istehsalı zərərsizləşdirici buraxılışına imkan verəcək”, – deyə Ukraynanın müdafiə naziri Denis Şmıhal sosial şəbəkədə bildirib.
Onun sözlərinə görə, ay ərzində bir neçə min ədədə çata biləcək kütləvi istehsal planlaşdırılır. Hazırlanan dronlar Ukraynaya ötürüləcək və ölkənin hava təhlükəsizliyinin gücləndirilməsinə xidmət edəcək.
Ukrayna mətbuatının verdiyi məlumata görə, Britaniya ayda 2 min ədəd "Octopus" zərərsizləşdirici dronu istehsal edib Ukraynaya göndərməyi planlaşdırır. Noyabr ayında bu dronun Ukraynada seriyalı istehsalına start verilib. Dronlar gecə şəraitində, siqnalın boğulması zamanı və alçaq hündürlükdə effektiv şəkildə tətbiq oluna bilir. Texnologiya artıq üç istehsalçıya ötürülüb, daha 11 müəssisədə istehsal xətlərinin hazırlanması davam edir.
Bundan əlavə, bildirilib ki, Ukrayna ABŞ-la birgə də bu dronları istehsal edir. “Ümid edirəm ki, gələcəkdə daha çoxuna sahib olacağıq”, – deyə Ukrayna Prezidenti qeyd edib.
Qadir, Bizimyol.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
