"Real Madrid"in hücumçusu Kilian Mbappe Çempionlar Liqasında məhsuldarlıq rekordunu yeniləyib.
Fanat.Az xəbər verir ki, bu, madridlilərin Liqa mərhələsinin 5-ci turunda "Olimpiakos"u 4:3 hesabı ilə yendikləri oyunda reallaşıb.
"Squawka"-nın məlumatına görə, İspaniya nəhənginə təkbaşına qələbə qazandıran fransız forvard cari mövsümkü qol sayını 9-a çatdıraraq özünün Çempionlar Liqasındakı məhsuldarlıq rekordunu qırıb. O, əvvəlki ÇL mövsümlərində ən yaxşı halda 8 qol vura bilib. Bu, 2020/21 və 2023/24 mövsümlərində baş verib.
Qeyd edək ki, "Real" hazırda Çempionlar Liqasının turnir cədvəlində 12 xalla beşinci yerdədir. Komanda növbəti turda "Mançester Siti" ilə qarşılaşacaq.
