Məşhur ingilis hücumçusu Ceymi Vardinin Kremonezedəki evi qarət edilib.
Publika.az xəbər verir ki, bu barədə “Daily Mail” məlumat yayıb.
Futbolçu “Kremoneze”yə keçdikdən sonra həyat yoldaşı Rebeka ilə birlikdə Qarda gölü sahilindəki villaya köçüb. Cinayətkarlar evə pəncərədən daxil olmağa nail olublar və qısa müddətdə oradan çıxaraq nağd pul, saatlar və zinət əşyaları oğurlayıblar. Ümumi ziyanın 80 min avro dəyərində olduğu bildirilir.
İtaliya polisi hesab edir ki, oğurluğu törədən qrup uzun müddət Vardinin evini izləyib və ev sahiblərinin orada olmadığı anı seçib. Hazırda cinayətkarların axtarışı davam edir.
