İki uşağın eyni otağı paylaşdığı ailələr üçün praktik və estetik həllər təqdim edən yeni dekorasiya nümunələri açıqlanıb.
Pravda.az bildirir ki, paylaşılan otaqlarda həm məkanın düzgün bölünməsi, həm də uşaqların fərdi ehtiyaclarına uyğunlaşdırılması əsas tövsiyələr arasında yer alır.
Məlumata görə, otaqda yatmaq, oynamaq və dərs üçün ayrıca sahələrin qurulması funksionallığı artırır. Kiçik ölçülü otaqlarda isə ranzalı yataqlar, çəkməcəli dolablar və sandıqlı oturacaqlar kimi saxlama həlləri daha səmərəli nəticə verir.
Dizaynerlər bildirir ki, eyni yaşlı uşaqlar üçün “L” formalı masa sistemi birlikdə öyrənməyi asanlaşdırır. Cinsiyyət fərqi olan uşaqlar üçün isə eyni model mebellərin fərqli rənglərlə seçilməsi həm harmoniya yaradır, həm də şəxsi məkan hissini gücləndirir.
Mütəxəssislər hesab edir ki, düzgün rəng seçimi, işıqlandırma və saxlama sistemləri ilə iki nəfərlik uşaq otağını həm funksional, həm də xoş atmosferli etmək mümkündür.
Əminə Bayramova
