EN

Papa XIV Leonun Türkiyə səfəri başlayır

Papa

Sabah ilk beynəlxalq səfərini Türkiyəyə edəcək Roma Papası XIV Leonun səfər proqramı açıqlanıb.

Reyting.az
xəbər verir ki, Vatikan mənbələrinə görə, Papa Leonun cədvəlinə Livana keçməzdən əvvəl Ankara, İstanbul və Nikeya səfərlər daxil olacaq.

Papanın Türkiyə səfəri Anıtqəbirə ziyarətlə başlayacaq. Daha sonra Papa Beştəpədə Türkiyə prezidenti Rəcəb Tayyib Ərdoğan tərəfindən rəsmi olaraq qarşılanacaq.

Ankara proqramının ardından Papa Leo cümə günü səhər saatlarında İstanbula gedəcək və Müqəddəs Esprit Katedralında xristian ruhaniləri ilə görüşəcək. Daha sonra Feriköydəki Fransız Kasıblar Evini ziyarət edəcək və yoxsullara göstərilən xidmətləri araşdıracaq. Günün sonlarında isə helikopterlə İznikə uçacaq.

İznik səfərindən sonra Papa Leo İstanbula qayıdacaq və yepiskoplarla təkbətək görüş keçirəcək. Şənbə günü səhər, əvvəlki papalar kimi, o, Sultanahmet məscidini ziyarət edəcək və sonra Yeşilköydəki Mor Efrem Suriya Qədim Pravoslav Kilsəsində kilsə və xristian icmalarının nümayəndələri ilə görüşəcək.

Papa Leo həmçinin Fənər Yunan Patriarxlığında Patriarx Bartolomey ilə görüşəcək və iki liderin birgə bəyannamə imzalayacağı bildirilir.

V. QULİYEV
Chosen
70
31
reyting.az

10Sources