Evdə hazırlaya biləcəyiniz təbii saç maskaları

 Ev şəraitində hazırlana bilən saç maskaları ilə quru, yağlı və zəif saçlara effektiv qulluq mümkündür.


Pravda.az kimyəvi məhsullardan uzaq qalmaq və saç sağlamlığını qorumaq istəyənlər üçün asan və təbii qarışıqları təqdim edir:

Zədə almış saçlara: Yetişmiş avokado əzilib yarım stəkan mayonezlə qarışdırılır və saç diblərindən uclarına qədər tətbiq edilir. Sonra saç üzərinə plastik örtük qoyularaq bir neçə saat gözlənilir.

Quru saçlar üçün: 3 xörək qaşığı hind qozu yağı azca isitilərək saç diblərindən uclarına qədər yayılır, yarım saat sonra yuyulur.

Yorğun saçlar üçün: 1 stəkan suya 2 xörək qaşığı alma sirkəsi əlavə edilərək sprey şüşəsinə doldurulur, bütün saç dərisinə səpilir və 30 dəqiqə sonra yuyulur.

Parlaq saçlar üçün: 3 xörək qaşığı mango yağı və 3 xörək qaşığı zeytun yağı qarışdırılır, saç dibindən uclara qədər tətbiq edilir və 30 dəqiqə sonra yuyulur (yalnız zeytun yağı ilə də edilə bilər).

Yağlı saçlar üçün: İsti olmayan çaydan hazırlanmış sprey, saç dərisinə sıxılır, 20 dəqiqə gözlənilir və sonra yuyulur.

İncə saçlar üçün: Yarım stəkan isti süd və 2 xörək qaşığı bal qarışdırılır, saçlara tətbiq edilir, 20 dəqiqə sonra yuyulur.

Güclü və sağlam uzanması istənilən saçlar üçün: 3 xörək qaşığı badam yağı ilə 1 xörək qaşığı darçın qarışdırılır, saç diblərinə masaj edilərək tətbiq olunur, yarım saat sonra yuyulur.

Qeyd olunan maskalar kimyəvi məhsullara ehtiyac olmadan evdə asanlıqla hazırlana bilər və saçların təbii parlaqlığını qoruyur.


Əminə Bayramova