Los-Ancelesdə 22 yaşlı müğənni Maria De La Rosa pusquya düşərək avtomobildə güllələnərək öldürülüb.
Reyting.az xəbər verir ki, iki hücumçu saat 1:25-də avtomobilə yaxınlaşaraq atəş açıb.
De La Rosa mülki avtomobillə xəstəxanaya aparılsa da, onun həyatını xilas etmək mümkün olmayıb.
Müğənni ilə birlikdə maşında olan iki kişi ağır xəsarətlərlə xəstəxanaya aparılıb. Onların həyatları kritik olaraq qalır.
Müstəntiqlər qətlin dəstə ilə əlaqəli ola biləcəyini düşünürlər.
Detektivlər edam üslubunda hücumun motivini müəyyən etməyə çalışırlar. Polis hələ də hücum edənləri axtarır.
Qeyd edək ki, sənətçi musiqi dünyasında yeni tanınmağa başlayırdı və avqust ayında “No Me Llames” mahnısı ilə şöhrət qazanmışdı.
V. QULİYEV
