Finlandiya Müdafiə Nazirliyinin mətbuat xidmətinin məlumatına görə, Baltik dənizində Finlandiya və Estoniyanın ərazi sularında "Donan Küləklər 25" təlimi keçiriləcək.
Bəyanatda deyilir: "Bu payızın əsas hərbi təlimi olan "Donan Küləklər 25" Finlandiya Hərbi Dəniz Qüvvələrinin rəhbərliyi ilə 24 noyabr - 4 dekabr 2025-ci il tarixlərində Finlandiyanın cənubunda, Arxipelaq dənizində və Finlandiya körfəzinin mənsəbində keçiriləcək... Təlimlər zamanı qüvvələr və gəmilər Estoniyanın ərazi sularından da istifadə edəcəklər".
Nazirlik əlavə edib ki, təlimdə Finlandiyanın NATO müttəfiqləri - Belçika, Danimarka, Almaniya, Latviya, Litva, Hollandiya, Polşa, ABŞ, Fransa və Estoniyadan 20 hərbi gəmi və dəstək gəmisi, eləcə də Daimi NATO Mina Qarşı Mübarizə Qrupu (SNMCMG1) iştirak edəcək. "Donan Küləklər 25" təlimində iştirak edənlərin ümumi sayı təxminən 5000 hərbçi olacaq.
Finlandiya Müdafiə Nazirliyinin məlumatına görə, "təlimin mövzularına dəniz rabitəsinin və vacib infrastrukturun təhlükəsizliyinin təmin edilməsi, arxipelaq və sahillərdə döyüş əməliyyatları və əks-müdaxilə əməliyyatları, eləcə də birgə dəniz və sahil əməliyyatları daxildir".
Əziz MUSTAFA
