Bollivudun “He-Man”i kimi tanınan məşhur hind aktyoru Dharmendra bu gün səhər saatlarında Mumbaydakı evində 89 yaşında dünyasını dəyişib.
Musavat.com xəbər verir ki, son aylarda səhhətində yaranan problemlər səbəbilə bir neçə dəfə xəstəxanaya yerləşdirilən aktyorun ölüm səbəbinin yaşla bağlı xəstəliklər olduğu bildirilib.
Qeyd edək ki, kino tarixinin ən sevilən simalarından olan Dharmendra 300-dən çox filmə çəkilərək Hindistan kinematoqrafiyasının ən məhsuldar aktyorlarından biri kimi tanınırdı.
Dharmendra ölkəmizdə sevilən Bollivud aktyorlarından olub. O, “Zita və Gita”, “Əlibaba və qırx quldur”, “Qisas və qanun“, “Daş və Çiçək”, “Sevimli Raca” və s. filmlərində rol alıb.
Könül
Musavat.com
