Dogru.az saytından verilən məlumata görə, ain.az xəbər verir.
Böyük Britaniyanın keçmiş baş naziri Devid Kemeron “The Times” qəzetinə verdiyi müsahibədə 2024-cü ildə prostat xərçənginə tutulduğunu açıqlayıb.
Doğru.az xəbər verir ki, Kemeron ötən il prostata spesifik antigen (PSA) testi verdiyini və nəticənin yüksək olduğunu, bundan sonra MRT və biopsiyadan keçdiyini bildirib. O əlavə edib ki, terapiya kursunu tamamlayıb və sonrakı MRT də “böyük rahatlama” gətirib.
Kemeron şəxsi səhhət məsələlərini danışmağı sevmədiyini, amma təcrübəsini paylaşmağın vacib olduğunu vurğulayıb:
“Əgər önə çıxıb bu təcrübəm olduğunu deməsəm, özümü pis hiss edərdim.”
Qeyd edək ki, oktyabrın sonunda ABŞ-ın keçmiş prezidenti Co Bayden də prostat vəzi xərçəngi üçün şüa müalicəsini başa vurmuşdu. Eyni zamanda, epidemioloq Mixail Favorov xərçəngi ölümün ikinci əsas səbəbi kimi qiymətləndirib.
DOĞRU.AZ
Daha ətraflı məlumat və yeniliklər üçün ain.az saytını izləyin.
