BAKI, 22 noyabr. TELEQRAF
ABŞ-nin Miqrasiya və Gömrük Mühafizəsi XidmətiNyu-Yorkda yeni mer Zoxran Mamdani vəzifəyə başladıqdan sonra da qeyri-qanuni miqrasiya ilə bağlı reydləri davam etdirəcək.
Teleqraf xəbər verir ki, bu barədə Ağ Evin mətbuat katibi Kerolayn Livitt ABŞ Prezidenti Donald Tramp ilə şəhərin yeni seçilmiş rəhbərinin görüşünü şərh edərkən bildirib.
Onun sözlərinə görə, tərəflər Nyu-Yorkda miqrasiya siyasətini müzakirə ediblər.
“Əlbəttə ki, qeyri-qanuni miqrantların kütləvi deportasiyasını davam etdirəcəyik. Bu məsələ bu gün Oval kabinetdə müzakirə olundu. Prezident Tramp heç vaxt prinsiplərindən geri çəkilmir, lakin ölkəni yenidən böyük etmək istəyənlərlə əməkdaşlığa hazırdır”, - Livitt bildirib.
Qeyd edək ki, Nyu-Yorkun yeni seçilmiş meri, demokrat Zoxran Mamdani daha əvvəl şəhər polisinin Miqrasiya və Gömrük Mühafizəsi Xidməti ilə əməkdaşlıq etməyəcəyini bəyan etmişdi.
