Rusiyada eskort təbliğatının cinayət sayılması təklif olunub.
İnterpress.az xəbər verir ki, bu barədə Rusiya Dövlət Dumasının deputatı Vitali Milonov bildirib.
Rusiya Dövlət Dumasının deputatı Vitali Milonov eskort fəaliyyətinin və onun təbliğatının cəmiyyət üçün təhlükəli olduğunu bildirib.
O, bu təbliğatın cinayət məsuliyyəti ilə cəzalandırılmasını təklif edib.
Deputatın sözlərinə görə, eskorta aparan yol “çirkli və təhlükəli mühitə düşməklə nəticələnir” və bu sahənin romantikləşdirilməsi xüsusilə gənclər üçün real təhlükə yaradır.
Milonov hesab edir ki, sosial şəbəkələrdə və media məkanında eskort həyatının təbliği “aşağı səviyyəli istismar formalarının normallaşdırılmasına” gətirib çıxarır və buna qarşı sərt hüquqi mexanizmlər tətbiq edilməlidir.
Təklif hazırda müzakirə mərhələsindədir.
Xuraman Etibarlı
İnterpress.az
