ain.az, Redaktor.az portalından verilən məlumatlara əsaslanaraq xəbər verir.
"Sosial sığorta sisteminin fəlsəfi mahiyyətini özünü maliyyələşdirmə təşkil edir. Yəni prinsip etibarı ilə buna söykənir. Fondun dövlət transferlərindən asılılığının azalması istiqamətində atdığı addımlar şübhəsiz ki, mühum əhəmiyyətə malikdir. Amma bu prosesin tamamilə aradan qaldırılması isə düşünürəm ki, hökumət qarşısında dayanan vəzifələrdən biri hesab oluna bilər".
Redaktor.az xəbər verir ki, bunu deputat Sahib Alıyev Milli Məclisdə Dövltət Sosial Müdafiə Fondunun gələn ilki büdcəsi barədə danışarkən bildirdi.
"Qeyri-büdcə sektorunda sığorta ödənişlərinin əhatə dairəsinin genişləndirilməsi kölgə məşğulluğunun daha da azaldılması və uçot sistemlərinin tam şəffaflaşdırılması istiqamətində həyata keçirilən tədbirlərin daha da intensivləşdirilməsi mühüm əhəmiyyətə malikdir.
Demoqrafik meyillər və əhalinin yaş kateqoriyaları arasında baş verən dəyişikliklər pensiya sisteminin uzunmüddətli tarazlığına təsir göstərən önəmli faktordur. Əmək qabiiliyyətli əhali ilə pensiyaçılar arasında nisbətin dəyişməsi isə gələcək illərdə sistemin yükünü artıra bilər. Bu səbəbdən demoqrafik risklərin qabaqcadan hesaba alınması uzunmüddətli proqnozlaşdırma modellərinin hazırlanması və qərarların bu çərçivədə verilməsi də mühüm əhəmiyyət kəsb edir", - deyə o vurğuladı.
Aminə ŞAHSUVARQIZI
Hadisənin gedişatını izləmək üçün ain.az saytında ən son yeniliklərə baxın.
