BAKI, 20 noyabr. TELEQRAF
"Bitkoin" son yeddi ayda ən aşağı səviyyəyə enərək "Nyu-York" birjasında 88.522 dollara düşüb.
Teleqraf “Bloomberg”-ə istinadən xəbər verir ki, “Nvidia”nın yaxşı gəlir xəbəri qiymətləri bir qədər qaldırsa da, satışlar həm böyük, həm də kiçik investorları zərbə altında qoyub.
Ekspertlər bildirib ki, növbəti hədəflər 85.000 və 80.000 dollar səviyyəsindədir. Apreldə gömrük rüsumları ilə bağlı baş verən dəyişikliklər "Bitkoin" in 77.424 dollar səviyyəsini diqqət mərkəzinə çıxarıb.
Kriptovalyuta bazarının ümumi dəyəri oktyabrın 6-da 4,3 trilyon dollar təşkil etsə də hazırda 3,2 trilyon dollara düşüb.
Lakin ekspertlər qeyd edir ki, bu itkilərin çoxu “kağız üzərindədir”, yəni real pul itirənlərin sayı daha azdır.
İlin əvvəlində "Bitkoin" 126.000 dollar səviyyəsinə qədər qalxmışdı. Bu yüksəlmişdi. Bu FES-in faiz dərəcələrini endirəcəyi gözləntisi və korporativ alışların artması ilə əlaqələndirilirdi. Amma indi investorlar geri çəkilib.
Bununla yanaşı, "Eteryum" da 3.000 dolların altına düşüb. İlin əvvəlində "Eteryum" 5.000 dollar səviyyəsində ticarət edilirdi.
