Saxta kimliklə sədr seçildi, yüzlərlə insanı əsir götürdü... Dünya bu qadından danışır

Unikal.az portalından verilən məlumata görə, ain.az xəbər yayır.

Filippinin Manila şəhərinin keçmiş meri Alice Guo "insan oğurluğunda", "sənədlərin saxtalaşdırılmasında" və "onlayn kazino qurmaq"da ittiham olunub. 

"Unikal" xarici KİV-ə istinadən xəbər verir ki, ötən il həbs olunan Guo məhkəmə qarşısına çıxıb. 

Filippin prokurorları Guonun saxta Filippin şəxsiyyət vəsiqəsi ilə namizədliyini irəli sürdüyünü aşkar ediblər. Bələdiyyə sədri seçilən qadının Çin vətəndaşı olduğu məlum olub. Qadının saxta şəxsiyyət vəsiqəsi ilə mer seçilməsi ölkə daxilində müzakirə mövzusuna çevrilib. Bu onun ilk cinayəti deyil.  

Belə ki,  mer villasında onlayn kazino şəbəkəsi yaradıb və 700 vyetnamlı işçini orada əsir tutub.  Sözügedən obyekt  2024-cü ildə  ifşa olunub.  Guonun dəstəsi tərəfindən qaçırılan vyetnamlı işçi əsir saxlandığı kazino obyektindən polisə zəng edib, hüquq-mühafizə orqanları merin villasına basqın edib. Polis dəbdəbəli villalar və böyük hovuzu olan geniş kompleksdə 700-dən çox oğurlanmış işçi tapıb. Sənədlərdən məlum olub ki, Guo kurort sahibi elan edib. 

Manila Mütəşəkkil Cinayətkarlıqla Mübarizə Komissiyasının məlumatına görə, Guo və daha üç nəfər mərkəz daxilində insan alverini təşkil etməkdə təqsirli bilinib. Guonun məhkəməsindən sonra prokurorlar bütün müttəhimlərin ömürlük həbs cəzası aldığını açıqlayıb. 

Alice Guo 2024-cü ilin sentyabrında Filippindən qaçdıqdan sonra İndoneziyada saxlanılıb. Qısa müddət sonra məhkəmə Guonun Çin vətəndaşı olduğunu və namizədliyini irəli sürmək hüququ olmadığını müəyyən edib. 

Bundan sonra Filippin Prezidenti Ferdinand Markos 2024-cü ildə Guo işi ilə bağlı artan qəzəb fonunda qeyri-hökumət qumar əməliyyatlarını qadağan edib və ölkədə işləyən əcnəbilərin deportasiya edilməsini əmr edib.

Gülayə Mecid 

Daha ətraflı məlumat və yeniliklər üçün ain.az saytını izləyin.