ain.az, Qol.az saytına istinadən bildirir.
Neymar 3 ay yarımdan sonra qol vurdu
"Santos"un hücumçusu Neymar Braziliya A Seriyasının 34-cü turunda "Mirasol"la matçda qol vurub.
QOL.az xəbər verir ki, onun komandası ev oyununda 1:1 hesablı heç-heçə edib.
Bu, Neymarın Braziliya çempionatının üç ay yarımdan sonra ilk qolu olub. O, sonuncu dəfə 18-ci turunda "Yuventude"yə qarşı 3:1 hesablı qələbə qazandıqları oyunda qol vurmuşdu.
Neymar sentyabrın ortalarında bud əzələsindən zədə alıb və liqanın 7 oyununu buraxıb..
"Mirasol"la oyunda vurduğu qoldan əlavə, Neymar 2-ci hissənin əvvəlində öz cərimə meydançasında qayda pozuntusu edib və bu, rəqibin penaltidən bərabərlik qolunu vurmasına səbəb olub.
Qeyd edək ki, Neymar "Santos"un yetirməsidir və 2025-ci ilin yanvarında komandaya qayıdıb. Səudiyyə Ərəbistanının "Əl-Hilal" klubundan transferindən təxminən bir il ərzində 33 yaşlı futbolçu 27 oyunda meydana çıxıb, 7 qol vurub və 3 məhsuldar ötürmə edib.
Daha ətraflı məlumat və yeniliklər üçün ain.az saytını izləyin.
