2012-ci ilin mayın 13-də “Mançester Siti” son saniyədə Serxio Aqueronun vurduğu qol sayəsində QPR üzərində qələbə qazanaraq (3:2) İngiltərə çempionu olmuşdu.
Publika.az xəbər verir ki, həmin görüşün baş hakimi Mayk Din 13 ildən sonra Ueyn Runi aparıcısı olduğu “Overlap” podkastında oyunun sonluğunda London klubunun matçı qəsdən verdiyinə işarə edib:
“Siti” hesabı 2:2 etdi və QPR futbolçuları dərhal topu onlara qaytardılar. Mən başa düşdüm ki, nəsə qəribə bir şey baş verir. Məlum oldu ki, QPR Premyer Liqada qalır, onların baş məşqçisi matç davam etməsinə baxmayaraq bayram etməyə başladı”.
