Redaktor.az saytından əldə olunan məlumata görə, ain.az məlumat yayır.
Taksi bir çox insanın xilasedicisi olsa da, bəzi hallarda bu əksinə olur, xüsusilə də taksilərin gəlmə müddəti 30-40 dəqiqə və ya daha çox olduğu zaman.
Bəs taksilərdə gözləmə müddətinin bu qədər çox olmasının əsas səbəbi nədir?
Sualımıza cavab olaraq nəqliyyat eksperti Elməddin Muradlı Redaktor.az-a bildirdi ki, taksilərdə gözləmə müddətlərinin 30-40 dəqiqəyə qədər uzanmasının əsas səbəbi şəhərdaxili hərəkət intensivliyinin artması və tıxacların normadan artıq yüklənməsidir.
"Xüsusilə səhər və axşam pik saatlarında əsas magistrallar, kəsişmələr və dairələrdə hərəkət qabiliyyəti kəskin azalır. Sürücü sifarişi qəbul etsə belə, mövcud sıxlıq səbəbindən həmin ünvana çatması üçün tələb olunan vaxt iki-üç dəfə artır. Bundan başqa, şəhərin bəzi küçə və prospektlərində aparılan təmir işləri, yolun daralması və hərəkətin düzgün tənzimlənməməsi də gecikmələri dərinləşdirir. Tıxac yükü artdıqca taksilərin dövriyyəsi azalır, nəticədə aktiv maşın sayı kifayət qədər olsa da, onlar sərnişinlərini ünvanına vaxtında çata bilmirlər. Yəni gözləmə müddətinin uzanması həm sürücü çatışmazlığı ilə deyil, əsasən şəhər yol infrastrukturunun yüklənməsi və tıxacların gündəlik normadan daha yüksək olması ilə bağlıdır", - deyə müsahibimiz vur]uladı.
Xədicə BAXIŞLI
Ən son xəbərləri və yenilikləri almaq üçün ain.az saytını izləyin.
