"Büdcə sənədi yalnız onu təqdim edən hökumətin məsuliyyəti ilə bağlı məsələ deyil, həm də onu qəbul edən Milli Məclisin məsuliyyətidir. Ona görə də bizim Milli Məclis üzvlərinin baxışında prioritet prinsip bu büdcənin ölkənin qarşısında duran riskləri doğru təsbit etməsi və onun optimal qarşılama yolunun tapılması ilə bağlıdır".
Redaktor.az xəbər verir ki, bunu Milli Məclisin komitə sədri Fazil Mustafa parlamentdə büdcə müzakirələri zamanı bildirdi.
"Bu risklərin birincisi heç şübhəsiz ki, müdafiə və təhlükəsizlik riskidir. Komitə sədri Azər Əmiraslanov haqlı olaraq qeyd etdi ki, bu ilk növbədə təhlükəsizlik büdcəsidir. Xərclərin 8,7 milyardının bu istiqamətdə yönəldilməsi də indiki beynəlxalq vəziyyətdən qaynaqlanan və gələcəkdə hələ mübarizə riskinin, müəyyən qarşıdurma riskinin olmasını nəzərdə tutaraq belə bir addım atılmasını effektiv edirr. Eyni zamanda bu məsələdə Azər müəllim haqlı olaraq bu ikinci böyük riskin də əsasən sosial risklər olduğunu xatırlatdı və sosial xərclər də büdcənin 41%-ni əhatə eləyir. 17 milyard manat ötən ilkindən 2,4 milyard manat çox vəsait ayrılır.
Amma burada bir nüansı biz diqqətə almalıyıq ki, Azərbaycan əhalisinin əmək haqqı 2500 manatdan yuxarı olan hissəsi əhali sayının 5,5%-ni əhatə eləyir. Qalan, demək, əhalinin 1,5 milyon nəfəri 2500 manatdan aşağı maaş alır və bu da aztəminatlı insanların sayının əhəmiyyətli dərəcədə olduğunu göstərir. Ona görə də sosial xərclər o səviyyədə dəqiq təsniflənməlidir ki, bu, yoxsullaşma səviyyəsinin daha da aşağı düşməsinə imkan tanımasın", - deyə deputat vurğuladı.
Fazil Mustafanın sözlərinə görə, ölkəmizdə ən vacib məsələlərdən biri ərzaq təhlükəsizliyi riskidir və ərzaq məhsullarının qiymətinin qalxması da böyük bir problemlər yaradır:
"Ən maraqlı odur ki, Azərbaycan əhalisinin 36%-nin kənd təsərrüfatında çalışması qeyd olunsa da, bunların ümumi daxili məhsulda payı 6%-dir. Bui istənilən Avropa ölkələri ilə müqayisədə çox aşağı bir çəkiyə malikdir. Və kənd təsərrüfatının da, əslində bu rəqəmlərin özü də çox sürətlə dəyişəndir, kənd təsərrüfatında çalışanların sayında sürətlə azalma, azalmaqdadır. Ona görə də bu, birinci növbədə burda da qeyd olunduğu kimi, milli iqtisadiyyatımızda gəlir yaratmaq potensialı, sahibkarlıq potensialından istifadə etməyin səmərəliliyi əsas vacib şərtlərdən biriidir. Burada başqa ölkələrdə daha çox diqqət qeyri-neft sektorunda turizmin inkişafına yönəlir.
Bizdə turizmin inkişafı ilə bağlı da vəsait ayrılıb, amma hesab edirəm ki, bunu artırmaq lazımdır. Çünki bu sahədə daha böyük risklər var. Birinci növbədə baş verən hər hansı bir xaricidə münaqişə istər-istəməz turizmə təsir edrr. Yolların bağlı olması təsir eləyir və bu da qeyri-neft sektorunda gəlirlərin səviyyəsini müəyyən dərəcədə aşağı salır".
Aminə ŞAHSUVARQIZI
