525.az saytından alınan məlumatlara görə, ain.az xəbər verir.
“Vaşinqtonda diplomatik mandatın dövründə məni ən çox təəccübləndirən beyin mərkəzlərinin geniş şəbəkəsi və onların intensiv fəaliyyəti olub. ABŞ-da olduğum müddətdə öyrənmək istədiyim mövzular barədə çox düşündüm və başa düşdüm ki, beyin mərkəzləri mənim üçün vacib mənbə olacaq. Tez-tez onların tədbirlərində iştirak edirdim”.
525.az xəbər verir ki, bunu Bakıda keçirilən Azərbaycan-ABŞ Beyin Mərkəzlərinin birinci Forumunda ADA Universitetinin rektoru, səfir Hafiz Paşayev deyib.
O bildirib ki, səfirlərimiz beyin mərkəzləri ilə bağlı müzakirələri diqqətlə izləməlidir.
“Həmin illərdə Azərbaycandan ABŞ-a səfər edənlər çox az idi və diplomatiya mənim üçün tamamilə yeni bir sahə sayılırdı. ABŞ-da Azərbaycan barədə məlumat isə kifayət qədər deyildi, ölkəmizi tanımırdılar. Lakin bu gün dünyanın bir çox ölkəsində Azərbaycana böyük maraq göstərilir”, - H.Paşayev vurğulayıb.
Rektor Azərbaycanın Mərkəzi Asiya Dövlət Başçılarının Məşvərət Görüşünə tamhüquqlu iştirakçı kimi qoşulmasına diqqət çəkib: “Düşünürəm ki, bu addım hər iki tərəf üçün faydalı olacaq. Həmçinin forum çərçivəsində yeni ideyalar və məlumatlar təqdim ediləcəyinə ümid edirəm”.
Pərvanə Sultanova
Daha ətraflı məlumat və yeniliklər üçün ain.az saytını izləyin.
