ain.az, Marja.az portalından verilən məlumatlara əsaslanaraq xəbər verir.
Unibank KB Zəfərimizin 5-ci ildönümü ilə bağlı şəhid ailələrinə dəstək məqsədi ilə keçirilən tədbirə dəstək olub.
Şəhid ailələrinin psixoloji rifahının və sosial dayanıqlığının gücləndirilməsinə yönəlmiş “Zəfər ruhu: Şəhid ailələri üçün həmrəylik və psixososial dəstək proqramı” 8 oktyabr – 8 noyabr tarixlərini əhatə edib.
Layihə Qadın və Uşaqların Təhsilinə Dəstək İctimai Birliyi tərəfindən Unibank KB ASC-nin dəstəyi ilə həyata keçirilib. Bir aylıq proqram müddətində şəhidlərin həyat yoldaşları və övladları ilə fərdi psixoloji seanslar və qrup terapiyaları keçirilib.
Layihə çərçivəsində şəhid ailələri ziyarət olunub, onların mənəvi rifahını dəstəkləməyə yönəlmiş terapiya və meditasiya seansları təşkil edilib. Proqram “Zəfər ruhu” adlı tədbirlə yekunlaşıb. Şəhid ailələrinə bankın adından xatirə hədiyyələri təqdim edilib.
Qeyd edək ki, şəhid və qazi ailələrinə dəstək “Unibank”ın korporativ sosial siyasətinin əsas istiqamətlərindən biridir və bu istiqamətdə davamlı layihələr həyata keçirilir.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
