Kreml bu ilin əvvəlində Rusiya ilə Böyük Britaniya arasında təmasların olduğunu açıqlayıb.
APA-nın Moskva bürosu xəbər verir ki, Rusiya Prezidentinin mətbuat katibi Dmitri Peskov ilin əvvəlində Britaniya Baş nazirinin müşaviri Conatan Pauell ilə Prezidentin köməkçisi Yuri Uşakov arasında telefon danışığının olduğunu söyləyib.
"Conatan Pauell ilə Rusiya Prezidentinin köməkçisi arasında belə bir əlaqə həqiqətən də baş tutub. London nümayəndəsinin Rusiyanın mövqeyini dinləmək istəməməsi səbəbindən dialoq davam etməyib. Qarşılıqlı fikir mübadiləsinin mümkünsüzlüyü nəzərə alınmaqla, dialoq təbii ki, inkişaf etmədi", - Kremlin sözçüsü vurğulayıb.
