ABŞ prezidenti Donald Trampın oğlu kiçik Tramp Ermənistana səfərini ləğv edib.
Modern.az xəbər verir ki, bu barədə məlumatı Ermənistanın “Hraparak” qəzeti yayıb.
Məlumata görə, kiçik Trampın noyabrın 12-də İrəvana səfəri nəzərdə tutulurdu. Lakin səfər ərəfəsində ABŞ-da jurnalist Taker Karlsonun efirə getmiş verilişi və həmin proqramda səslənən iddialar geniş rezonans doğurub.
Verilişdə “Tashir Capital” şirkətinin baş direktoru Narek Karapetyan Ermənistan hakimiyyətinin erməni kilsəsinə qarşı hücumları barədə danışıb.
Qəzet bildirir ki, kiçik Tramp bu məlumatlardan sonra Ermənistan rəhbərliyi ilə görüşməkdən və ümumilikdə səfərdən imtina edib.
