"Əsas odur ki, cüdo millimiz İslamiadanın qalibi oldu".
Sportinfo.az xəbər verir ki, bunu Azərbaycanın Olimpiya çempionu Zelim Kotsoyev deyib.
O, yığmanın İslamiadada komanda yarışının qalibi olması barədə danışıb:
"Bu gün cüdo üzrə komanda yarışlarında yüksək nailiyyət qazandıq. Milli üzvləri sona qədər mübarizə apardılar.
Bu qələbə yüksək əzmin və bacarığın nəticəsidir. Mən də öz üzərimə düşən işin öhdəsindən gəlməyə çalışdım.
Fərdi yarışlarda qızıl medalı əldən verdim. Lakin bu idmandır, hər şey mümkündür. Əsas odur ki, cüdo millimiz VI İslam Həmrəyliyi Oyunlarının qalibidir".
Azərbaycanın cüdo millisi İslamiadanın finalında Özbəkistan yığmasını 4:0 hesabı ilə məğlub edib.
Z.Kotsoyev Parisdə 2024-cü ildə keçirilmiş Olimpiadanın qalibi olub.
