İranın İslam İnqilabı Keşikçiləri Korpusuna (SEPAH) bağlı “Qüds gücü” qüvvələri İsrailin Meksikadakı səfiri Einat Kranz Neigerə qarşı sui-qəsd planı hazırlayıb. Plan Meksika təhlükəsizlik qüvvələrinin, eləcə də ABŞ və İsrail kəşfiyyat orqanlarının əməkdaşlığı ilə vaxtında zərərsizləşdirilib.
Sitat.info xəbər verir ki, əməliyyat 2024-cü ilin sonlarından planlaşdırılıb və 2025-ci ilin ortalarında aktiv fazaya keçib. İran tərəfi bu yolla İsrail rəsmilərinə qarşı qisas aksiyası həyata keçirməyə cəhd edib.
ABŞ rəsmiləri qeyd ediblər ki, məsələ hazırda “nəzarət altındadır” və mövcud təhlükə yoxdur. İsrail Xarici İşlər Nazirliyi çevik hərəkətə görə Meksika hakimiyyətinə təşəkkür edib.
İran hökuməti iddialara cavab olaraq hadisə ilə hər hansı əlaqəsini inkar edib və bu barədə rəsmi açıqlama verməyib.
Bu hadisə son aylarda İranın Latın Amerikasındakı diplomatik və qeyri-rəsmi fəaliyyətlərini artırması barədə beynəlxalq narahatlıqları daha da gücləndirib.
