Suriya Daxili İşlər Nazirliyi İraq Şam İslam Dövləti (İŞİD) terror təşkilatının hücrələrinə qarşı preventiv əməliyyat zamanı 71 nəfəri saxlayıb.
Far.Az Oxu.Az-a istinadən xəbər verir ki, bu barədə "Əl-İxbariya" telekanalı məlumat yayıb.
Mənbə bildirib ki, təhlükəsizlik qüvvələri ölkənin müxtəlif vilayətlərində 61 reyd həyata keçiriblər.
"Qruplaşmanın yüksəkrütbəli, təhlükəli, ortasəviyyəli və sıravi liderləri saxlanılıblar", - materialda qeyd olunur.
Bundan əvvəl bildirilmişdi ki, ABŞ ordusu Suriyanın şimalında ölkədə terror qruplaşmasının növbəti lideri olmağı planlaşdıran İŞİD qruplaşmasının yüksəkrütbəli üzvünü məhv edib.
20 iyulda İŞİD-in liderlərindən biri və onun köməkçilərindən birinin İraq və Suriya sərhədində məhv edildiyi bildirilmişdi.
