BAKI,TurkicWorld
Suriya Turizm Naziri Mazen əl-Salhani Ər-Riyadda Səudiyyə Ərəbistanının Turizm Naziri Əhməd Aqil Al-Xateyb ilə görüş keçirib. Tərəflər iki ölkə arasında turizm sahəsində əməkdaşlığın gücləndirilməsi imkanlarını nəzərdən keçiriblər.
TurkicWorld xəbər verir ki,görüş zamanı nazirlər turizm sektorunda investisiya layihələrinin dəstəklənməsi üzrə strategiyaları müzakirə edib, həmçinin turizm destinasiyalarının idarə edilməsi və birgə marketinq təşəbbüslərində təcrübə mübadiləsinin vacibliyini vurğulayıblar.
Hər iki tərəf Suriya turizminin bərpasını asanlaşdıracaq prosedurların sadələşdirilməsinin, eləcə də ölkənin regional və beynəlxalq turizm xəritəsində yenidən önəmli yer tutmasının zəruriliyini qeyd edib.
