ain.az, Azvision saytından verilən məlumata əsaslanaraq xəbər yayır.
AzVision.az xəbər verir ki, “Fontanka” nəşrinin məlumatına görə, həmin torbalar daha sonra Hatta şəhərindəki ticarət mərkəzinin yaxınlığındakı zibil qablarına qoyulub. “Hücum edənlər Novakın kriptovalyuta pul kisəsindən pul oğurlamaq istəyiblər. Onun içində milyardlarla dollar olduğu güman edilirdi. Lakin pul kisəsinin boş olduğu aydınlaşıb. Bundan sonra cinayətkarlar cütlüyü öldürüblər. Qətldə şübhəli bilinənlərin sayı 8 nəfərə çatıb”, - nəşr yazır. Qətl törədənlərin iki Sankt-Peterburq sakini və bir Qazaxıstan vətəndaşı olduğu güman edilir. Qətldən sonra Rusiyaya qayıdan bu 3 nəfər saxlanılıb. Hüquq-mühafizə orqanları Leninqrad vilayətindən olan vasitəçini də saxlayıb. Rusiyanın İstintaq Komitəsi hadisə ilə bağlı cinayət işi açıb. İstintaqın məlumatına görə, cütlük oktyabrın 2-də Hattada investorlarla görüşə gedib və o vaxtdan bəri qohumları ilə əlaqəyə çıxmayıb. Komitə itkin düşənlərin adlarını açıqlamır. Rusiya mətbuatı Novakın dəfələrlə hüquq-mühafizə orqanlarının və medianın diqqətini çəkdiyini vurğulayır. Onun öz biznesinin inkişafı üçün investorlardan, o cümlədən Yaxın Şərq və Çindən olan sahibkarlardan borc götürdüyü 500 milyon dollarla qaçdığı iddia edilir. - Kriptovalyuta köçürmələri üçün “Fintopio” tətbiqini yaradan Roman Novak insanları böyük İT şirkətləri ilə perspektivli tərəfdaşlıqlara investisiya qoymağa inandırırdı. İnvestisiyaları aldıqdan sonra Novak yoxa çıxdı, işçiləri maaşsız, investorları isə vəsaitsiz qoydu”, - yayılan xəbərlərdə deyilir. Novak həmçinin ərəb şahzadələri və “Telegram” messencerinin yaradıcısı Pavel Durovla da tanış olduğunu iddia edirdi. Sahil İsgəndərov
AzVision.az Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
