UEFA Avropa Liqasının Liqa mərhələsində IV turun qarşılaşmaları baş tutub.
90deqiqe.Az xəbər verir ki, gecənin oyunları bir sıra maraqlı nəticələrlə yadda qalıb.
İspaniyada baş tutan görüşdə “Betis” öz meydanında “Lion” üzərində qələbə qazanıb – 2:0. Sevilliyada keçirilən matçda meydan sahiblərinin heyətində Ez Abde və braziliyalı Antoni fərqləniblər. Bu nəticə ilə “Betis” turnirdə xallarını səkkizə yüksəldib, “Lion” isə ilk məğlubiyyətini alıb.
Almaniyada keçirilən matçda isə “Ştutqart” “Feyenoord”u məğlub edib – 2:0. Alman təmsilçisi hər hissədə bir qol vuraraq inamlı qələbə qazanıb və Liqa mərhələsində iddiasını davam etdirib.
Fransada baş tutan maraqlı qarşılaşmada “Nitsa” doğma azarkeşləri önündə “Frayburq”a 1:3 hesabı ilə uduzub. Almaniya təmsilçisi ikinci hissədəki üstünlüyü ilə qələbəni təmin edib.
İngiltərədə keçirilən oyunda isə “Aston Villa” öz meydanında İsrailin “Makkabi” (Təl-Əviv) klubunu 2:0 hesabı ilə məğlub edib. Birmingem təmsilçisi hər iki qolu ilk hissədə vuraraq rahat qələbə qazanıb.
Günün digər oyunlarında da aşağıdakı nəticələr qeydə alınıb:
“Dinamo” (Zaqreb) – “Selta” (0:3)
“Zaltsburq” – “Qo Ehed İqlz” (2:0)
“Srvena Zvezda” – “Lill” (1:0)
“Bazel” – FCSB (3:1)
“Midtyullann” – “Seltik” (3:1)
“Şturm” – “Nottinqem Forest” (0:0)
“Nitsa” – “Frayburq” (1:3)
“Malmö” – “Panatinaikos” (0:1)
“Utrext” – “Portu” (1:1)
“Betis” – “Lion” (2:0)
“Aston Villa” – “Makkabi” (2:0)
“Braqa” – “Genk” (3:4)
PAOK – “Yanq Boys” (4:0)
“Ferentsvaroş” – “Ludoqorets” (3:1)
“Bolonya” – “Brann” (0:0)
“Ştutqart” – “Feyenoord” (2:0)
Beləliklə, IV turun ardından qruplarda vəziyyət daha da gərginləşib və bir sıra komandalar növbəti mərhələyə vəsiqə şanslarını qoruyub saxlayıb.
