Qaynarinfo portalından verilən məlumata əsasən, ain.az bildirir.
Fransadan ABŞ-a 33 yaşlı Belarus vətəndaşı Yana Leonova ekstradisiya edilib. O, İxrac Nəzarətinin İslahatı Haqqında Qanunun pozulması məqsədilə əlbir olmaqda, qaçaqmalçılıqda, çirkli pulların yuyulmasında və ABŞ-a qarşı fırıldaqçılıqda ittiham olunur.
Qaynarinfo "Eurointegration”a istinadla xəbər verir ki, bu barədə ABŞ Ədliyyə Nazirliyinin mətbuat xidməti məlumat yayıb.
İttiham aktında bildirilir ki, 2022-ci ilin mayında, Rusiyanın Ukraynaya qarşı genişmiqyaslı işğalı fonunda Leonova ABŞ-da olan həmfikirlərindən istifadə edərək ABŞ-dan Rusiyaya çoxsaylı aviasiya elektron cihazları və digər aviasiya avadanlıqlarını alıb və qanunsuz şəkildə ixrac edib.
İxrac edilən avadanlıqlar Leonovanın keçmiş işəgötürəninə məxsus özəl təyyarələrdə istifadə üçün nəzərdə tutulmuşdu. Həmin şirkət ABŞ Ticarət Nazirliyinin qara siyahısında olan hüquqi şəxslər arasındadır.
İstintaq müəyyən edib ki, Leonova və onun əməkdaşları ABŞ-da yerləşən distribütörlərdən aviasiya komponentləri alıblar.
Onlar Ermənistanda, Maldiv adalarında və digər ölkələrdə yerləşən şirkətlərdən istifadə edərək bu komponentləri ABŞ Ticarət Nazirliyinin tələb olunan lisenziyaları olmadan Rusiyaya göndəriblər.
"Bu təqsirləndirilən şəxs ABŞ qanunvericiliyini pozaraq özünü zənginləşdirmək üçün aviasiya avadanlığı və digər qadağan olunmuş avadanlıqları ABŞ-dan Rusiyaya qanunsuz şəkildə ixrac etməyə cəhd göstərib”, – deyə ABŞ prokuroru Canin Ferris Pirro bildirib.
Leonova və onun həmfikirləri dəfələrlə aviasiya komponentlərinin real son istifadəçilərini və son təyinat məntəqələrini gizlədiblər və yanlış göstəriblər.
O, malların Rusiyaya ara təyinat məntəqələri vasitəsilə daşınmasını, həmçinin ABŞ-dakı bank hesablarına xarici bank hesablarından ABŞ dolları ilə ödənişlərin keçirilməsini təşkil edib.
Xatırladaq ki, çərşənbə axşamı ABŞ Maliyyə Nazirliyi çirkli pulların yuyulması sxemlərində iştirakı ittihamı ilə səkkiz fiziki və iki hüquqi şəxsə qarşı sanksiyalar tətbiq etdiyini açıqlayıb.
Bundan əvvəl məlumat verilmişdi ki, Almaniya məhkəməsi "Siemens” şirkətinin iki keçmiş rəhbərinə qarşı Rusiya tərəfindən işğal olunmuş Krıma qaz turbinlərinin ixracına kömək etməklə sanksiyaları pozduqları iddiasıyla cinayət işi açmaq qərarına gəlib.
Alpər
Daha ətraflı məlumat və yeniliklər üçün ain.az saytını izləyin.
