"Brügge" UEFA Çempionlar Liqasının son oyununda "Barselona" ilə 3:3 hesablı heç-heçə edib.
Fanat.Az xəbər verir ki, matçın ulduzu ev sahibi iki qol vuran və bir məhsuldar ötürmə edən vingeri Karlos Borxes olub.
"Opta"-nın məlumatına görə, portuqaliyalı tarixdə Kataloniya nəhəngi ilə Çempionlar Liqası matçında qol vuran və assistentlik edən ən gənc oyunçu olub (21 yaş 231 gün). Əvvəlki rekord eyni nailiyyəti 1998-ci ildə 23 yaş 137 günlüyündə reallaşdıran ingilis Devid Bekhemə məxsus idi.
“Brügge” dörd turdan sonra 4 xalla əsas mərhələnin sıralamasında 22-ci yerdədir. “Barselona” isə 7 xalla 11-ci pillədə qərarlaşıb.
