Yeniavaz portalından verilən məlumata əsasən, ain.az bildirir.
ABŞ Hərbi Hava Qüvvələri silahsız “Minuteman III” qitələrarası ballistik raketini sınaqdan keçirib.
Yeniavaz.com xəbər verir ki, bu barədə ABŞ Kosmik Qüvvələri Komandanlığı məlumat yayıb.
Raket noyabrın 5-di gecə saatlarında Kaliforniyadakı Vandenberq Hərbi Hava Qüvvələri bazasından buraxılıb. Raket təxminən 6700 kilometr qət edərək Marşal adalarındakı atolda sınaq sahəsinə qədər gedib.
Bildirilib ki, “Minuteman III” raketi təxminən 9500 kilometr uçuş məsafəsinə malikdir:
“Bu buraxılış “Minuteman III”ün imkanlarını qiymətləndirmək və təsdiqləmək üçün vacib olan bir sıra planlaşdırılmış və dövri tədbirlərin bir hissəsidir”.
Komandanlıq əlavə edib ki, sınaq raketin davamlı etibarlılığını, döyüş hazırlığını və dəqiqliyini təsdiqləyib.
Qeyd edək ki, “Minuteman III”ün buraxılışı ABŞ Prezidenti Donald Trampın ölkənin artıq nüvə silahlarını sınaqdan keçirən digər ölkələrlə bərabər əsasda nüvə silahı sınaqlarına dərhal başlayacağını elan etməsindən bir həftə sonra baş verib.
Sonrakı hadisələr barədə daha çox məlumat almaq üçün ain.az saytını izləyin.
