"O, dünyanı dəyişdirməyə kömək edə biləcək adamlardan biridir." Futbolçu həmçinin maliyyə uğuruna çatması barədə danışıb:
"Məqsədim bu rəqəmə çatmaq idi. Mən pula aludə deyiləm, amma müəyyən bir səviyyəyə çatanda pul artıq əhəmiyyət kəsb etmir. Daha çox pula sahib olmaq isə həmişə yaxşıdır." Ronaldo gələcək təqaüd planlarından da söz açıb, ailəsinə daha çox vaxt ayırmaq istədiyini və təqaüd qərarını tezliklə verəcəyini bildirib:
"Hazır olacağam. Çətin olacaq, bəlkə də ağlayacağam, amma hər şeyin başlanğıcı və sonu var. 25-26 yaşımdan bəri buna hazırlaşmışam." 40 yaşlı ulduz və sevgilisi Georgina Rodriges avqust ayında nişanlandıqlarını elan edib. Ronaldo nişanlısını yüksək qiymətləndirərək deyib:
"Gio unikaldır. O, mənim və ailəmin qayğısına qalır, bu da çox vacibdir." Ronaldo, karyera və ailə arasında balans yaratmaq niyyətində olduğunu vurğulayıb:
"Özüm, ailəm və uşaqlarım üçün daha çox vaxt istəyirəm. Oğlum Kristiano Juniorun yanında olmaq istəyirəm, çünki o, yaşına görə müəyyən səhvlər edir. Mən də eyni şeyi etmişəm."
