Datunaşvilinin sözlərinə görə, dünənki hesabatda heç bir diplomatik dil olmadan, "Gürcü Arzusu" hakimiyyətdə olduğu müddətdə ölkənin Avropa gələcəyini unutmaq lazım olduğu açıq şəkildə bildirilir: "Gürcüstan vətəndaşları ölkəmizin bu gün üz-üzə qaldığı bu ağır reallığı dərk etməlidirlər. Dünənki hesabat birbaşa, heç bir diplomatik dil və eyham olmadan "Gürcü Arzusu"na və vətəndaşlara bildirdi ki, bu partiya ilə Avropa gələcəyini unutmaq lazımdır."
Datunaşvili qeyd edib ki, "Gürcü Arzusu" ilə hər hansı bir irəliləyiş əldə etmək mümkün deyil, əksinə, namizəd ölkə statusu aldığımız anla müqayisədə Gürcüstan inkişaf baxımından, xüsusilə də insan hüquqları, demokratiya və Aİ-yə üzvlük üçün zəruri olan digər komponentlər üzrə xeyli geridə qalıb: "Bu, "Gürcü Arzusu"nun xəstə münasibətidir - Moskvada yazılmış ssenaridir və bu gün yekun olaraq üzə çıxdı ki, "Gürcü Arzusu" Moskvada yazılmış ssenari ilə Gürcüstanın Avropa perspektivini dəfn edib."
"Namizəd ölkə statusunun yalnız kağız üzərində qalması deməkdir ki, "Gürcü Arzusu" ilə Gürcüstanın Avropa inteqrasiyası prosesi dayandırılıb," - Tazo Datunaşvili əlavə edib.
