Banco.az portalından alınan məlumata görə, ain.az xəbər verir.
Müəllif: Gülnar Əhmədli, Banco.az
Artıq elektrikli avtomobillər yalnız ekoloji baxımdan deyil, həm də yüksək performans və uzun məsafə imkanı ilə sürücülər üçün daha da cəlbedici hala gəlib. Mercedes-Benz, BMW, Audi və BYD kimi nəhəng markalar bir dəfəlik şarjla 800 kilometrə yaxın məsafə qət edə bilən yeni modellərini təqdim edirlər.
Bu inkişaf həm texnologiya həvəskarlarını, həm də elektrikli nəqliyyat bazarını yaxından izləyənləri həyəcanlandırır. Yeni nəsil modellər elektrik mühərriklərinin gələcəyinə dair böyük ümidlər yaradır. Bu səbəblə elektromobil alarkən onun nə qədər uzaq məsafə qət edəcəyi ən önəmli xüsusiyyətlərindən biri olur.
Dünyanın ən uzun mənzilli elektrikli avtomobilləri bunlardır:
1. Audi RS e-tron GT: 505 km
2. BYD Seal: 520 km
3. BYD Han EV: 521 km
4. BMW i5 eDrive40: 582 km
5. BMW i4 eDrive40: 590 km
6. Mercedes-Benz EQE 280: 623 km
7. BMW i7 xDrive60: 625 km
8. Porsche Taycan: 680 km
9. Mercedes-Benz EQS 450+: 745 km
10. Audi A6 Sportback e‑tron: 754 km
11. Mercedes‑Benz CLA 250+ EQ Technology: 792 km
Mütəxəssislər qeyd edirlər ki, istehsalçıların təqdim etdiyi rəqəmlər laboratoriya şəraitində ölçülür. Real şəraitdə sürət, hava temperaturu, relyef və kondisioner istifadəsi kimi amillər məsafəyə ciddi təsir edə bilər. Bununla yanaşı, texnologiyanın bu sürətlə inkişaf etməsi elektrikli nəqliyyatın gələcəyinə böyük inam yaradır.
Bizi sosial şəbəkələrdən izləyin!!
Ən son xəbərləri və yenilikləri almaq üçün ain.az saytını izləyin.
