...Hollivud aktyoru və uzun müddət Demokrat Partiyasının tərəfdarı olan Corc Kluni, partiyanın Kamala Harrisin prezidentliyə namizədliyini irəli sürməsinə icazə vermək qərarını səhv hesab etdiyini söyləyib.
SİA-nın əldə etdiyi məlumata görə, bu barədə Far Out Magazine yazır.Kluni, “The New York Times” qəzetində dərc olunmuş məqaləsində Demokratlara qarşı tənqidlərindən peşman olmadığını vurğulayıb, lakin partiyanın tam hüquqlu ilkin seçkilər keçirməli olduğunu qeyd etdi.
...Bizim şansımız var idi, aktyor deyib.
...Namizədləri yoxlamağımızı istəyirdim. Harrisin problemi ondadır ki, o, öz nüfuzu ilə mübarizə aparmalı idi. Seçiciləri əvvəlki insan olmadığınıza inandırmaq çətindir. Onun çox çətin işi var.
...Kluni əlavə edib ki, “bu, səhv idi” deyə düşünür, lakin vəziyyətin artıq baş verdiyini etiraf edib: “Deyirlər ki, Konqresdə daha çox yer itirərdik. Bilmirəm. Amma bu barədə danışmamaq həqiqəti gizlətməkdir.”
...Kluninin məqaləsi ötən yay ABŞ-ın keçmiş prezidenti Cozef Baydenin ABŞ prezidenti Donald Trampla ilk televiziya debatında uğursuz çıxışından və nəticədə onun prezidentlik yarışından çəkilməsinə səbəb olandan sonra geniş mübahisələrə səbəb oldu.
Keçmiş prezidentin oğlu Hunter Bayden aktyorun sözlərinə kəskin reaksiya verərək “Onun və ətrafındakıların hamısının lənətinə!”- dedikdə qalmaqal yenidən alovlanıb.
Epizodla bağlı şərh verən Kluni sadəcə gülüb: “Bəli, gördüm. Amma keçmişə fikir verməyin faydalı olduğunu düşünmürəm. Ona sadəcə can sağlığı və sağalmasında uğurlar arzulayıram.”
Əli Babayev
