ABŞ-da büdcə böhranı (“şatdaun”) səbəbindən ölkə üzrə aviareyslərin dayanması təhlükəsi yaranıb.
Musavat.com xəbər verir ki, Bloomberg-in məlumatına görə, ABŞ Nəqliyyat naziri Şon Daffi bəyan edib: əgər böhran nəticəsində uçuşların təhlükəsizliyini təmin etmək mümkün olmasa, ölkənin hava məkanı bağlana bilər.
Hazırda Federal Aviasiya Administrasiyasında (FAA) ciddi dispetçer çatışmazlığı müşahidə olunur. Bir çox əməkdaşlar maaş almadan işləməyə məcburdurlar.
Nəticədə cümə günü ABŞ üzrə 6200-dən çox reys gecikib, təxminən 500 uçuş isə tamamilə ləğv edilib.
Ekspertlər xəbərdarlıq edirlər ki, əgər Konqres yaxın günlərdə maliyyə razılaşmasına nail olmasa, hava nəqliyyatı sahəsində böhran daha da dərinləşə bilər.
Musavat.com
