Sibiqanın sözlərinə görə, bu addım Putinin ABŞ-yə və Trampın diplomatik səylərinə hörmətsiz yanaşdığını təsdiqləyir. Məsələ ondadır ki, 2019-cu ildə Trampın ovaxtkı adminstrasiyası orta və uzaq mənzilli raketlərin ləğvinə dair Müqavilədən çıxmasına səbəb kimi məhz 9М729 raketlərini göstərmişdi.1987-ci ildə SSRİ ilə ABŞ-nin arasında imzalanan həmin müqavilə 500 kilometrdən 5500 kilometrə qədər uçuş məsafəsi olan raketlərin ləğvini nəzərdə tutur və gələcəkdə istehsalına məhdudiyyət qoyurdu.
Həm adi, həm də nüvə başlığı daşıya bilən 9М729 raketlərinin 2500 km.-ə qədər uçuş məsafəsi var. “İsgəndər”in bazasında yaradılan bu raketlərlə bağlı məlumatların çoxu məxfi saxlanılır. Onlardan istifadə etməklə Rusiya buraxıcı qurğularını zərbə altında qoymadan öz ərazisinin dərinliklərindən Ukraynadakı hədəflərə atəş aça bilir.
Faktı “Reuters”ə şərh edən analitiklərin fikrincə, bu raketlərdən istifadə etməklə Moskva Avropanın da təhlükəsizliyinə təhdidlər yaradır və Trampın sülh cəhdlərinin fonunda Qərbə siqnallar göndərir.
Tariyel Həsənov
AzVision.az
