BAKI, 1 noyabr. TELEQRAF
Amerika Prezidenti Donald Tramp noyabrın 10-da Ağ Evdə Suriyanın müvəqqəti prezidenti Əhməd əl-Şaranı qəbul edəcək.
Teleqraf xəbər verir ki, bu barədə ABŞ-ın Türkiyədəki səfiri və Suriya üzrə xüsusi nümayəndəsi Tom Barak "Axios" müxbirinə bildirib.
Nəşrin məlumatına görə, əl-Şaraanın Vaşinqtona səfəri zamanı Suriyanı İŞİD-lə mübarizə aparan ABŞ-nin rəhbərlik etdiyi beynəlxalq koalisiyaya qəbul etməsi ilə bağlı sənədləri imzalayacağı gözlənilir. Portal vurğulayır ki, bu, Suriya prezidentinin Ağ Evə ilk səfəri olacaq.
Barak aydınlaşdırıb ki, əl-Şaraa və Trampın görüşündən sonra Suriya və İsrail arasında danışıqların növbəti mərhələsinin baş tutacağı gözlənilir.
