"Gürcüstan hakimiyyəti respublikaya qarşı ədalətsiz münasibət səbəbindən Avronest Parlament Assambleyasının iclaslarında daha iştirak etməmək qərarına gəlib".
"Cebheinfo.az" Oxu.Az-a istinadən xəbər verir ki, bunu Gürcüstan parlamentinin sədri Şalva Papuaşvili "X" sosial şəbəkə hesabında yazıb.
Papuaşvilinin sözlərinə görə, bu qərar Avronestin Yerevanda keçirilmiş son iclasında Gürcüstanda yeni parlament seçkisinin keçirilməsinin zəruriliyindən bəhs edən, habelə Tbilisidə mitinqlərdəki iğtişaşlara görə məhkum edilənləri "siyasi məhbus" adlandıran bir neçə qətnamənin qəbul edilməsi səbəbindən verilib.
"Artıq aydındır ki, Avropa Parlamenti Avronest platformasını ölkələri şantaj etmək və dar siyasi gündəliyini zorla tətbiq etmək üçün silaha çevirib" , - deyə o vurğulayıb.
"Cebheinfo.az"
