ain.az, Axsham.az saytına istinadən bildirir.
Hollivud prodüseri Devid Pirs zorlamada və 2 qətldə ittiham edilir.
Axşam.az xəbər veirir ki, prodüser 146 il həbs cəzasına məhkum olunub. Bu barədə Britaniyanın "Metro" qəzeti məlumat yayıb.
Los-Anceles dairə məhkəməsi 2025-ci il 29 oktyabrda bununla bağlı hökm çıxarıb. Qərarda qeyd olunub ki, Pirs 24 yaşlı aktrisa və model Kristi Caylsın, həmçinin 26 yaşlı meksikalı dizayner Hilda Marsela Kabrales-Arsolanın ölümündə təqsirli bilinib. Hər iki qadın 2021-ci ilin 13 noyabrında narkotik maddələrin həddindən artıq qəbulundan dünyasını dəyişib.
İstintaq zamanı müəyyən edilib ki, qadınlar Pirslə anbar tipli bir məkanda keçirilən əyləncədə tanış olublar. Daha sonra prodüser onları Beverli-Hillzdəki evinə dəvət edib və onlara narkotik maddələr - o cümlədən fentanil (güclü sintetik opioid) və GHB (cinsi zorlamalarda tez-tez istifadə edilən maddə) verib.
Məhkəmə prosesi zamanı təqdim olunan sübutlar cinayətlərin zorakı şəkildə törədildiyini göstərib. Xüsusilə, Pirsin DNT nümunələri hər iki qurbanın bədənində aşkarlanıb.
Onlar maskalı şəxslər tərəfindən Los-Ancelesdəki xəstəxanaların qarşısında ölməyə buraxılıblar. Kabrales-Arsola ilkin olaraq reanimasiyaya yerləşdirilib, lakin 11 gün sonra, doğum günündən cəmi bir gün əvvəl, dünyasını dəyişib.
Pirsin vəkilləri apellyasiyaya vermək niyyətində olduqlarını açıqlayıblar. Lakin hazırda 146 il azadlıqdan məhrumetmə, şərti azadlığa buraxılma hüququ olmadan hökm qüvvədə qalır.
Daha ətraflı məlumat və yeniliklər üçün ain.az saytını izləyin.
