ain.az bildirir, Baku.ws saytına əsaslanaraq.
ABŞ-nin "Altrata" şirkətinin araşdırmasına görə, Rusiya və Böyük Britaniyada dollar milyarderlərinin sayı 128 nəfərə çatıb. Hər iki ölkə bu göstərici üzrə dünyada dördüncü yeri bölüşdürür.
BAKU.WS xəbər verir ki, 2024-cü ildən etibarən Rusiyada altı yeni milyarder yaranıb.
Bununla belə, onların ümumi sərvəti 469 milyard dollardan 457 milyard dollara enib. Hesablama zamanı milyarderlərin bütün aktivləri və sərvət mənbələri nəzərə alınıb.
Reytinqin liderləri dəyişməyib: ABŞ 1135 milyarderlə birinci, Çin 321 milyarder ilə ikinci, Almaniya isə 170 milyarder ilə üçüncü yerdə qərarlaşıb. Qeyd olunur ki, Almaniyada milyarderlərin sayı ötən illə müqayisədə 14 nəfər azalıb. İlk onluqda həmçinin Hindistan, İsveçrə, Honkonq, Fransa və İtaliya yer alıb.
Bundan əvvəl məlum olmuşdu ki, amerikalı iş adamı İlon Mask yeni dünya rekordu müəyyənləşdirib. O, tarixdə sərvəti 500 milyard dollara çatan ilk şəxs olub. "Tesla" və "SpaceX" şirkətlərinin yaradıcısının kapitalı 1 oktyabr saat 22:30-da bu səviyyəyə yüksəlib. Qeyd edək ki, əvvəlki rekord da Maskın özünə məxsus idi - ötən ilin dekabrında o, 400 milyard dollar həddini ilk keçən şəxs olmuşdu.
Daha ətraflı məlumat və yeniliklər üçün ain.az saytını izləyin.
