Yeni sənədlər ABŞ–Yaponiya münasibətlərində “Qızıl dövr”ün başlanğıcı kimi qiymətləndirilir...
Poliqon xəbər verir ki, ABŞ prezidenti Donald Tramp və Yaponiyanın baş naziri Sanae Takaiti iki mühüm dövlətlərarası saziş imzalayıb. Bu razılaşmalar Vaşinqton və Tokionun strateji əməkdaşlığını yeni mərhələyə daşıyır.
Birinci saziş iki ölkə arasında “Yeni Qızıl Əsr” adlandırılan ittifaqın siyasi və iqtisadi əsaslarını möhkəmləndirir. Sənəd müdafiə, texnoloji təhlükəsizlik, enerji və sənaye innovasiyaları sahəsində qarşılıqlı fəaliyyətin genişləndirilməsini nəzərdə tutur.
İkinci razılaşma isə kritik minerallar və nadir torpaq elementləri üzrə əməkdaşlıq mexanizmlərini müəyyənləşdirir. Bu sahə xüsusilə yüksək texnologiyalı istehsal, müdafiə sənayesi və süni intellekt texnologiyalarının təchizat zəncirində böyük strateji əhəmiyyətə malikdir.
Tərəflər həmçinin razılaşıblar ki, Yaponiyanın resurs bazası və ABŞ-ın texnoloji imkanları qarşılıqlı şəkildə birləşdirilərək, Çinin bu sahədəki dominant mövqeyinə qarşı balans yaradılacaq.
Ekspertlər qeyd edirlər ki, bu razılaşmalar həm iqtisadi, həm də geosiyasi baxımdan ABŞ–Yaponiya münasibətlərində soyuq müharibədən sonrakı ən mühüm dönüş nöqtələrindən biri hesab olunur.
Poliqon.info
