“Qarabağ” U-19 komandası UEFA Gənclər Liqasında “Atletik”lə qarşılaşıb (0:5).
Sportinfo.az xəbər verir ki, Ağdam təmsilçisinin qapıçısı Teymur Həsənov iki penalti qaytarıb.
O, əvvəlcə matçın 57-ci dəqiqəsində Peio Huestamendianın 11 metrlik cərimə zərbəsini dəqiq yerinə yetirməsinə mane olub.
70-ci dəqiqədə isə Manex Lozanonun penaltisinin qarşısını alıb. Epizodun davamı qol olsa da, T.Həsənov 2 penalti qaytarmaqla diqqət çəkib.
Teymur Həsənovun atası “Qarabağ”ın qapıçılar üzrə məşqçisi Elxan Həsənov, anası isə Azərbaycan voleybol yığmasının sabiq üzvü, “Azerreyl”in məşhur oyunçusu Alla Həsənovadır.
