BAKI, 23 oktyabr. TELEQRAF
Fələstinin FƏTH və HƏMAS hərəkatlarının nümayəndə heyətləri Qahirədə danışıqlar aparır.
Teleqraf xəbər verir ki, tərəflər anklavın müharibədən sonrakı strukturunu müzakirə edirlər.
HƏMAS nümayəndə heyətinə hərəkatın Qəzza zolağındakı lideri Xəlil əl-Heyya, FƏTH-ə isə Fələstin Milli Administrasiyasının (PNA) vitse-prezidenti rəhbərlik edir.
Oktyabrın 13-də ABŞ Prezidenti Donald Tramp Qəzza zolağında münaqişənin bitdiyini bəyan edib. Lakin daha sonra o, Fələstinin radikal HƏMAS hərəkatı tərksilah etməkdən imtina edərsə, İsrailin Qəzza zolağında əməliyyatları bərpa edəcəyini bildirib.
