Gürcüstan parlamentinin spikeri: Aİ-ni ölkədəki terrorçuları dəstəkləyir

"Avropalı diplomatlar ölkələr arasında divarlar deyil, körpülər inşa etməlidirlər".

Bakıvaxtı.az "Belta"ya istinadən xəbər verir ki, bunu Gürcüstan parlamentinin sədri Şalva Papuaşvili deyib.

O, Brüsseli ölkədə iğtişaşlar yaradan terrorçuları dəstəkləməkdə ittiham edib:

"Brüsselin seçdiyi anti-Gürcüstan yolunun terrorçuların dəstəklənməsinə gətirib çıxardığı çoxdan bəllidir. Biz bu reallığa ayıq nəzər salmalıyıq. Bəzi diplomatlar gürcü xalqı üçün divar, terrorçular və zorakı aktyorlar üçün körpü tikirlər".

Qeyd edək ki, bu il oktyabrın 4-də müxalifət hökuməti devirmək məqsədi ilə etiraz aksiyası təşkil edib. Etirazçılar prezident sarayına basqın edərək iqamətgahın darvazalarını sökməyə cəhd ediblər, lakin çevik qüvvət polisi onların binaya daxil olmasına mane olub. 

Gülşən Şərif

• Parlament
• Spiker
• Gürcüstan
• Åžalva PapuaÅŸvili
• Terrorçular
• Ai̇